Fanclub
Anita wooj gaer beej de fanclub. Mer dao mos ze neteurlik auditie vör doon. Ze dacht ich gaon dan mer alvast oefene inne Action, dan heb ich innegang wat publiek.
Midde inne paad deej ze ‘ne spagaat. Mer det kwoom det d’r bodylotion oppe groond loog. Ze kreeg ’n dik applaus van alle minse die inne Action wore. Jaomer mer ze is dus neet aangenôme.
Raodslede gezochtj!!!
Raodslede gaon scoute in Bèls,
‘T mót toch neet gekker waere met oze Vorst……!
Tillefoon
Arien en Sandra ginge op ’n deênsdigaovendj nao bed, mer zeuj woore de tillefoon van bove kwiêt. Euveral woort gezochtj. Uuteindelik ‘t toestel mer gebeldj, mer zeuj huuërdje niks euvergaon en ’t dînk goof aan det de tillefoon boete bereik waas. Daphne, di-j neet thoês waas, haaj ‘m as léste gebroêktj en woort gebeldj.
“Ich weît zeker detter op mien kamer op ‘t dressoir ligktj.”Gevraogdj waertj of zeuj ‘m neet heet mej genome. “Nein, ich heb ‘m neet mej genome.”
Op woonsdigmêrge keumtj Daphne thoês en gaeftj aan det ’t mysterie és opgelosj. Zeuj haaj ‘m in heur toillettas gedaon…dus toch mej genome !!!
Good kieke
Anita zooj euverstappe van nachtlenze nao gewoeëne lenze, mer dan kos zeuj ’n paar waeke geîn nachtlenze drage i.v.m. nowwe maetinge. Dan mer daaglenze gebroêke, smêrges in, saoves uut. Vriêdes kos zeuj ’n lens neet mieër vînge in heur oug. Geer woort d’r beej gerope, mer hae kos ‘m ouch neet vînge. Verlore dan?
Anita gieët slaope. Smêrges liêktj ’t of d’r waat irritatie és, nog mer ‘ns kieke, mer niks te vînge. Smiddes deut zeuj weer now lenze in. De irritatie waertj allein mer groeëter, lens d’r uut en nog ‘ns kieke…en jaowaal nao lang zeuke keumt d’r nog ’n lens uut. Waat zooj Anita gedachtj hebbe? Twieë zeen mieër dan ein ?????
Hinnegevecht
Adjedant Nick haaj tiêdes de uutroping ’n flînke schram in zien gezicht. Hae haaj twieë daag veur de uutroping overhoup gelaege mét ’n hin. Hae waas aan ’t hinne laaje, wi-j bleek det de boveste krat oppe vrachtwage neet good gesloeëte waas. Ein hin kwoom vreej en zat eur leeftallige hinnepuuëtje aaf op ’t gezicht van Nick…mét ‘n “schoeën aandînke tot gevolg.
Ballonvaart
Bart en Annie haaje ’n ballonvaart geregeldj vör de femiêlie. Ze verzaameldje zich beej Bart en Annie thoês en van dao uut zeen ze nao de sporthal geloupe. Dao stóng de luchtballon klaor. Efkes telle of edereîn aanwezig is zoeë det vae kinne vertrekke.
Obbéns keumptj Bart d’r achter det Annie d’r neet is. Dus Bart trök nao hoês effe kieke woeë Annie is gebleve. Waat bleek Annie zoot opgeslote inne graasj. Bart haaj alle deure geslote. Waas de luchtballon toch bienao sónger Annie vertrokke. Bart zeejje de volgendje kieër zunig op eur vraw?
Ballonne
Laura en Raween ginge trawwe. De femiêlie haaj ore gewerktj um ‘ne schoeëne ballonneboog te make fein op kleur. Mer weej mos dae in Thoeër kome want dao zooje ze gaon trawwe, want dae ging neet inne wage. Toen Jack mer gebeldj of hae met de bös kos kome. Mer ouch dao pazje dae boog neet in zien gehieël in.
Dus dae mos in stökke inne bös en op nao Thoeër. Dao aangekome kos neemes ‘m helpe. Nao ‘n oor pongele en zweîte stóng dae boog eîndelik oppe plek. Mer waas ’t de bedoeling det di-j kleure zoeë doôreîn zate of waas ’t de bedoeling det d’r ein petroeën in zaat? In eeder geval heet Annelies lekker gelache.
Towval
Ut waas deênsdigaovendj 5 mieërt 2019 wi-j ich as lid vanne Jeugdraod tiêdes de abdicatie mien steek en mantel weer in haaj mótte levere. Wi-j ich nog ein kieër de polonaise leep zoog ich iets blînke inne hook. Ieërst dach ich det ut gêldj waas, mer ut bleek ‘ne button te zeen. Heej-op stónge wichter di-j ich neet kos, de tekst oppe button haaj ich neet mieër gelaeze. Thoês heb ich de button beej de rest van de buttons en óngerscheijingen, di-j ich aafgeloupe sezoên gekrege haaj.
Nao mien uutrooping dit jaor kwoom ich saoves meug en nog hielemaol ónger de indruk thoês van al ut schoeëns waat ich dae daag mej gemaaktj haaj. Wi-j ich same mét pap en mam nog op Facebook berichtjes aan ut laeze woor, zoog ich un berichtje van Boy. Heej-op stónge de foto’s van 2010, 2018 en 2020…en toen zoog ich ut. Ich rendje nao boven um de button te hale, dae ich veurig jaor gevónge haaj….. Waas dit meschien al un teîke gewaesj ?
Jeugdpreens Lars
Taxi
Gijs waas same met zien maegtje gaon stappe in Wieërt. Zien maegtje waas meug en ging thoês nao bed. Gijs zooj in Rooj nog op stap gaon want hae haaj met kammeräöj aafgesproke. Anita haaj aafgesproke um Gijs op te haale. Um half ein huurdje Anita leweît oppe trap en dînktj : Jade is thoês en gieët nao bed.
Um 5 oor weurdj Anita wakker: Woeë dae blieftj toch? Geer weurdj wakker van ’t geschravel. Waat is d’r aan de hând? Anita zeet: ich maak mich drök want Gijs heet nog neet gebeldj en is nog neet thoês. Maar maar zeet Geer, dae ligktj allang in bed. Oeps zeet Anita, mer gaw alle bezörgdje appjes verwijdere.
Vergaetechtig
Vae verzamele beej de Paol veur de ieërste aktiviteit boete de Hej, 5×11 jubileum fieëstaovendj beej de Zweeloeere, as de léste wage beej de Paol wiltj vertrekke keumptj Robin nao boete gerendj mét de vaerekoker van Preens Boy. Daphne appdje Nadih det zeuj de vaere haaj. Wi-j Boy beej Jonas uutstapdje waas d’r 5x niks inne plaats van 5 x 11, gelökkig haaj Laurens de mântel en Daphne de vaere. Drej jeugdige adjedante di-j vergaetechtig zeen en nog hieël erg motte winne aan heur take, mer gelökkig lette de aojere in heur vak nog op.