Op zaoterdig 9 jannewari 2016 is, tiedes de gala boônte aovundj in Altwieërthei-j, de noôwe Preens van C.V. De Heiknuiters uutgeroope.
Leef minse, hoeëg geieërdj publiek!
Heej bin ich, eure nôwwe Heiknuiterpreens: Willem I.
In ut dagelijks laeve Willem Hoeben, 36 jaor aod en woeënendj heej inne Hei-j beej pap en mam, Jan en Ine Hoeben.
Woeë ki-jje mich van? Misschien wul tevöl um op te neume. De Boonte Aovundj, Jeugd Boonte Middig, de Hermeni-j en Kinder Vakantie wèrrik vanne Hei-j zeen misschien wul ut mieëst bekindj.
Mien groeëtste passie is tênieël. Boête de Boonte Aovundj en Jeugd Boonte Middig speul ich beej tênieëlvereiniging C.O.M. uut Meijel. Woeë ich zoeë un acht jaor heerlijk mèj kan speule en auch de jeugd begeleid. Speule doon ich auch gaer op film, mer auch zelluf filmkes maake.
Wèrrik heb ich momenteel neet echt, mer mien nôw bedriefke “De Theaterkist” stieët garant vör theatraal vermaak vör joonk en… veural joonk!
Dus daorum gaon ich saame met mien adjudanten Jeroen Leijssen, Ellen Dielissen en Jan Hoeben dieëze vastelaovundj veur in mien orde van “Eîn Groeët Theater”!
En det onger mien devies:
Vör ‘n döbbeltje oppe ieërste rang, in dit vastelaovundjtheater pur sang!