Beste Kepél 

Heejbeej nuuëje vae uch uut um same mét os op zaoterdig 21 november ’n geweldjige happening mej te maken same mét de jubilerendje vastelaovendj vereîniginge: 

CV de Heiknuiters di-j 5 x 11 jaor bestaon, nét zoeëvöl as Kepél de Hei-j-beesembeengers en de Aod Preense Club mét 2 x 11 jaor. 

Same 12 x 11 jaor !! 

Vae wille vör edereîn ’ne fantastische fieëstaovendj nieërzette. 

Dao huuërdjae neteurlik ouch beej. 

Vriêdig 20 november: Grandioze buut- en kepélle aovundj 

Dit jaor alweer vör de twelfdje kieër, zulle d’r ’n zéstal spraokmakendje buutreedners optraeje. Van völ (aod) finaliste hebbe vae al moge geneete de aafgeloupe jaore, ouch dieëzen aovundj zal vör uch (zittendj of staondj) ‘ne aovundj vôl humor, knauwel en loesterplezeer waere. 

Tösse de optraejes van dieës “buutreedners van topniveau” zulle de bevrîndje kepélle van de jubilerendje Kepél de Hei-j-jbeesembeengers optraeje. Podia waere speciaal heejvör vreejgemaakt, zoeëdet vae kunne genete van eur muzikale passie. 

Verschillendje kepélle hebbe al tówgezagdj, mer vör di-j vae nog neet gesproeëke hebbe és heejbeej de kâns. 

Kepélle: dit moogdje neet misse, dus gaeftj uch op !! Dit kân per mail of tillefoon beej Gielion Meuwissen  g.meuwissen@ziggo.nl of 06-12462260. Ouch informasie kujje heej krieëge. 

Eur aanwieëzigheid en eur muzikale deîlname es vör os ’t allerschoeënste geschînk waat dejje os kintj gaeve in os jubileumjaor. Vae verhuuëge os d’r now al op !

Wis dan. Vae zeen uch gaer verschiêne. 

Names CV de Heiknuiters, Kepél de Hei-j-beesembeengers en Aod Preens Club 

Info: via www.heiknuiters.nl of Mail: info@heiknuiters.nl  

Oeëverig: 

• kaarte vör dieëze aovundj zeen te krieëge in de vuuëverkoup, wietere info volgtj nog.
• vör de spuuëlendje lede van de kepélle és de entree vreej, vae motte waal vuuër 1 juni van eur komst weite en zulle uch dan tiêdig kaarte towsteure en ’n podium tiêdstip towwieëze, mét wietere uutlég.
• naeve dieëze breef zulle vae via social media of persuuënlik met eur kepél contact haoje.