Vae Preens Peter V (Janssen) en Prinses Ellen, stelle os veur as now Preensepaar 2019 van C.V. de Heiknuiters uut Altwieërthei-j.

Geweldjig det vae dit jaor de vastelaovendj inne Hei-j veur moge gaon. Vae zeen bekans 25 jaor getrawdj en woeëne same met os 2 wichter Sem en Kes net boete ’t dörp.

Wêrke deut Peter as stuuërings- ongerhaodsmonteur beej Struyk Verwo Aqua in Ni-jwieërt en Ellen höltj zich bieëzig met de wichter oppe school inne Hei-j.

Al es de Hei-j nog zoeë klein, met de vastelaovendj es d’r van alles te doon. Vae neume borebroêleft, vastelaovendj surprise party XXL vör de jeugd, Preensereceptie, de optocht en neet te vergaete dit jaor ’t groeët Preensetreffe, kei-j sjiek. Laotj uch kieke en “dootj met os mei-j inne Hei-j”.

Same met os adjudânte Jolanda Peeters, Paul Janssen en Niek Aendekerk gaon vae d’r wat van make!

Dit alles onger os devies:

MET DIT STUUPKE VEÛRAAN, GAON VAE D’R TEGENAAN!